Stamatina son andai da me nona, che la mà dumandà: se te fe in gir in sci prest? go rispundut.. Nona.. Sun dré a purtà el vespin dal mecanic, perchè gò de andà a Milan, che ghe la setimana del mobil, fa un cald che go voia nò de sta in machina. E poi le pien de gent; tuci architet, ingegner, berlafus. Le pien de festa, roba simil. Sì ma minga roba cun l’urchestra cume te penset tì. Ghe pien de mustre nei musei, ghe un sac de roba de mangià, perden tuc temp dieter le cadreghe, i taulin e i lampadarì..
E la ma rispundut: “Si per ti le minga inscì un prublema. Te semper stat brau a fa el laurà del Michelass”.
Alura nona, duman che le martedì devi anda li visin a Lanza, che ghé la marca che pias tant al to neudin che gioga al balun, la Nike, che urganisa nà aperitif con un po’ de musica.
Vo li giusti a rità il pass e bev un para de birete, Ma turni a ca prest. Che la setiman le lunga.
.
Merculdì partì da cà prest, e vo li in Porta Rumana tuta sera. Me fo un bel Aperitif li nei bagni Bota, che go l’invit privàt, ma poi, vo lì a du pas da la stilista, la tusa due te andavet li in galleria, Prada, per una mustra denter la sua fundasiun. Se ciama Rotor, go dit tut.
Poi turni indré visin a la cà de la Laura, per la pu se bela roba dela setimana, denter le terme nove in Porta Rumana. Ghé chel Digei li che se ciama San Soda, cume la bevanda. Man dit, che le una roba in acapatoi, pensa ti... ma l’è na bela rubeta.. Me trovi lì con i me amis del negosi, el Cristian e el Nicola.
Giuedì inves le lunga Nona.
Vo li in piasa Funtana a ciapà l’aperitif da l’Astun Martin, che lè na dita ingles che fa le machine da sciuri. Mi el so propepi no. L’è denter un albergo, presenten i divanet, i bicerin. Quand le l’ura de sedes a taulà vo a vidè un grupetin che sunà la chitara e la bateria. Se ciamen Fujiya e Miyagi, ma sun minga giapunes. Gan fai un album che lè propi bel: quand pasi denter la prosima volta a ciapà el pan tel porti, così te finiset de ascultà semper Radio Zeta.
Semper Giuedì poi vo a truà prima un alter para de amis lì sul Navili Grand, in un post che se ciama Offisina Dudes, ghe un pò de musica, un pò de tusane mese biute, e poi pasi denter nel discuteca che ghe li in ripamunt, che ghe v’un che se ciama Martin Solveig, per divertis e bev un pò de cichetin; ghè la Laura che la cunus tute le cansun. Vo lì nu’oreta, tant per fa el giret.
Per finì in belesa pasì lì al Plastic na mezureta per sentì chel lì che se fa Ciamà da trintan Grandmaster Flash.
Venerdì me se alsi inturna a mes dì, ciapi el vespin e vo a mangia un bel piat de pasta, e po vo in fiera. Magari dopo disnà vò denter li in Tortuna, li duà ghe Porta Genova, e perdi un cinin la giurnata amò dietr i cumudin, le robe per la cusina. Quand calà el sul, pasi a truà el me amis coc, l’Andrea, che fa na roba li ancura denter la piscineta abandunada de via Bota. Poi vo amò a teater a vedé el cuncert de sto grup chi che se ciama Battles: Nona! non Beatles.. anca se son brav i stess. Quand vegn tarde vo a sentì el cumples dei Liquid Liquid, in Sant’Ambros. Poi vo amò in Ripamunt a sentì, el dj con cui go giugat al calcet setimana pasada.
El me amis, tel cunuset anca. Chel le li de Mediglia, Sandiego. Tel ricurdet? chela sera lì el suna con un giuinot che se fa ciamà Seth Troxler, cume l’urelog, anche se go amo de capi se suna prima o dopi v’un che ga praticament inventat un gener de musica, Carl Craig.
Venerdì credi che veniarò a cà a l’alba, e sabet farò un pò finta de laurà. Quand levì su, vo a sentì v’un di un grupetin nof, semper li al teater, Discodeine. E poi cerchi de andà fora Milan, li visin due stava el to nonu, visin a Bergum, a Tress, che ghe cheschì che la ga fai un belisim film sul mond de la not, che se ciama Berlin Calling.
Quand turnì indré de lì vers la matina cerchi propri de andà in ste posti in via Canova, due fan chesta culasion all’americana, con lo yogurt, el prosciut cot e quel crud e tant tipi de furmacc. Le praticament un prans, e infadi se ciama branc. Boh.. poi.. el sono se fo in temp a veni da ti in chi dì chi. Però adess te sè due truarm: se te voret vegn’ anca ti, basta che me te ciamet. Che mi.. te porti in gir vulentera.
Nona, damè un basin, che adess devi propri andà a fa el laurà del Michelass. Ti tel sè: Mangià, Befv e andà spasss!!
posted by Ivan Minuti
Per chi avesse difficoltà con il dialetto milanese, i link portano a tutti gli eventi di cui si parla nel post
Segnaliamo anche gli eventi promossi da Discosafari e Serendeepity concept Store, in collaborazione con ELITA: leggi QUI !
Post
Nessun commento:
Posta un commento